Almennar upplýsingar
Aldurs- og kynjaflokkar
- 11 - 12 ára stelpur / strákar
- 13 - 14 ára stelpur / strákar
- 15 - 16 ára stelpur / strákar
- 17 - 18 ára stelpur / strákar
Keppnisfyrirkomulag / reglur
- Allir leikir eru spilaðir á eina körfu (3:3)
- Leiktími ákvarðast af þátttöku.
- Frjálsar innáskiptingar.
- Leikmaður sem fær 3 villur í sama leik er útilokaður frá leiknum.
- Þrír leikmenn eru inn á vellinum hverju sinni en varamenn geta verið allt að fimm talsins.
- Heildarfjöldi í hverjum leikmannahópi er ótakmarkaður en 8 leikmenn fá verðlaun.
- Hver leikmaður má einungis leika með einu liði.
- Sé lið uppvíst að spila með ólöglegan leikmann tapar liðið viðkomandi leik 20 - 0 og getur viðkomandi lið og leikmaður ekki unnið til verðlauna.
- Allir leikir hefjast á sama tíma.
- Ef leikur hefst eftir að klukka er sett af stað, styttist leikurinn sem því nemur.
Eftir skoraða körfu hjá liði A, fær lið B boltann, tekur hann út fyrir þriggja stiga línu annaðhvort með því að rekja hann þangað eða senda á samherja fyrir utan þriggja stiga línuna.
Leikvöllur afmarkast af hliðarlínum, aftari línu sem er 11 metrum frá endalínu. Ef stigið er á/út fyrir línu á hitt liðið innkast.
Leikurinn er 9 mínútur og klukkan er aldrei stöðvarður. Ef jafnt er þegar leiktíminn er liðinn tekur við framlenging sem lýkur með gullkörfu (fyrsta skoraða stig vinnur leikinn).
Monrad kerfi
Á mótinu er leikið eftir svokölluðu Monrad kerfi sem gengur út á sjálfvirka geturöðun. Í fyrstu umferð er liðum raðað saman handahófskennt og spila lið tiltekinn fjölda leikja á hverju móti.
Leikið er eftir reglum Körfuknattleikssambands Íslands (KKÍ).