Hvatasjóður
Hvatasjóður íþróttahreyfingarinnar er nýr sjóður á vegum ÍSÍ og UMFÍ með stuðningi Mennta- og barnamálaráðuneytis. Sjóðurinn tengist stofnun átta svæðisstöðva íþróttahéraða og markmiðum um eflingu íþróttastarfs á landsvísu. Sjóðurinn styrkir verkefni sem miða að útbreiðslu íþrótta og aukinni þátttöku barna í íþróttum með áherslu á þátttöku barna með fötlun, af tekjulægri heimilum og með fjölbreyttan tungumála og menningarbakgrunn.
Áhersluatriði
Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna. Sérstök áhersla er á verkefni sem tengjast börnum með fatlanir, börnum frá tekjulægri heimilum og börnum með fjölbreyttan menningar- og tungumálabakgrunn.
Í Hvatasjóðinn geta sótt íþróttahéruð ÍSÍ og UMFÍ, íþróttafélög og deildir innan ÍSÍ og UMFÍ, sérsambönd í samstarfi við Íþróttahéruð, félög eða deildir félaga.
Sjóðurinn veitir styrki til verkefna sem:
Auka útbreiðslu og þátttöku barna í íþróttum:
- Efla þátttöku barna með fötlun.
- Efla þátttöku barna frá tekjulægri heimilum.
- Efla þátttöku barna með fjölbreyttan tungumála- og menningarbakgrunn.
Umsóknaferli
Umsóknir eru sendar inn í gegnum vefsíður ÍSÍ og UMFÍ.
- Farðu á vefsíðu ÍSÍ eða vefsíðu UMFÍ.
- Fylltu út rafrænt umsóknareyðublað.
- Sendu umsókn áður en auglýstur umsóknarfrestur rennur út.
Í umsókn skal meðal annars tilgreina:
- Lýsingu á verkefninu og markmiðum þess
- Rökstuðning fyrir áhrifum verkefnisins á viðkomandi svæði
- Tíma- og verkáætlun
- Fjárhagsáætlun verkefnisins
Úthlutað er úr sjóðum að hámarki fjórum sinnum á ári. Síðasti frestur var til 20. maí 2025. Næsti umsóknarfrestur verður auglýstur í haust.
Stjórn Hvatasjóðsins
Sjóðsstjórn er skipuð fimm einstaklingum. Eftirfarandi einstaklingar skipta núverandi stjórn:
- Óskar Þór Ármannsson, fyrir hönd Mennta- og barnamálaráðuneytis.
- Gunnar Bragason og Þórey Edda Elísdóttir, fyrir hönd ÍSÍ.
- Guðmundur G. Sigurbergsson og Ragnheiður Högnadóttir, fyrir hönd UMFÍ.
Úthlutanir úr sjóðnum
-
Alls bárust 91 umsóknir. Styrktar voru 72 umsóknir. Heildarúthlutun er 38.490.000 kr.
Umsóknir skiptust eftir eftirfarandi:
- Börn og ungmenni með fatlanir: 26 samþykktar: 15.000.000 kr.
- Börn og ungmenni af erlendum uppruna: 10 samþykktar: 5.590.000 kr.
- Börn og ungmenni frá tekjulágum heimilum: 5 samþykktar: 1.800.000 kr.
- Aðrar og blandaðar áherslur: 31 samþykktar: 16.100.000 kr.
Umsóknir bárust frá öllum landshlutum:
- Austurland: 8 samþykktar: 5.500.000 kr.
- Höfuðborgarsvæðið: 32 samþykktar: 17.990.000 kr.
- Norðurland eystra: 4 samþykktar: 2.000.000 kr.
- Norðurland vestra: 4 samþykktar: 850.000 kr.
- Suðurland: 11 samþykktar: 5.550.000 kr.
- Suðurnes: 3 samþykktar: 1.750.000 kr.
- Vesturland: 9 samþykktar: 4.550.000 kr.
- Vestfirðir: 1 samþykkt: 300.000 kr.
Sjá upplýsingar um öll verkefni sem hlutu styrk: Júní 2025.
