Sambandsaðilar geta sótt um að halda mót UMFÍ
Unglingalandsmót UMFÍ
Stjórn UMFÍ auglýsir að nú er opið fyrir umsóknir fyrir sambandsaðila UMFÍ og sveitarfélög til næstu ára. Það felur í sér að þau skoði hvort þau vilji og geti haldið bæði Unglingalandsmót UMFÍ og Landsmót UMFÍ 50+.
Sambandsaðilar UMFÍ geta nú sótt um að halda Unglingalandsmót UMFÍ. Næsta mót sem er til úthlutunar er árið 2027. Einnig geta þeir sem áhuga hafa sótt um að bætast við í röð mótshaldara árin þar á eftir.
Frestur til að skila inn umsóknum er til 15. september 2025.
Unglingalandsmót UMFÍ er umfangsmikil íþrótta- og fjölskylduhátíð sem haldin er um verslunarmannahelgina ár hvert.
Mótið var haldið í fyrsta sinn á Dalvík árið 1992 og hefur síðan þá vaxið og dafnað síðan þá. Frá árinu 2004 hafa mótin verið haldin á hverju ári. Næsta mót verður á Egilsstöðum um verslunarmannahelgina.
Gera þarf ráð fyrir um 1.000 – 1.500 þátttakendum og því allt að 5.000 mótsgestum, tjaldsvæðum sem ræður við fjöldann, fjölda viðburða og tónlistaratriðum á hverju kvöldi auk miklum fjölda sjálfboðaliða yfir þessa stóru ferðahelgi.
Framkvæmd mótsins verður í höndum UMFÍ, þeim sambandsaðila sem tekur mótið að sér og viðkomandi sveitafélagi.
Athygli er vakin á því að stuðningur viðkomandi sveitarfélags þarf að fylgja umsókninni.
Umsóknum skal skilað til þjónustumiðstöðvar UMFÍ á netfangið umfi@umfi.is. Nánari upplýsingar má fá í síma 568-2929.
Landsmót UMFÍ 50+ 2027
Sambandsaðilar UMFÍ hafa nú kost á því að sækja um að halda Landsmót UMFÍ 50+ árið 2027. Frestur til að skila inn umsóknum er til og með 15. september 2025.
Mótið er ætlað einstaklingum 50 ára og eldri. Útfærsla mótsins er í höndum móta- og viðburðanefndar UMFÍ og framkvæmdanefndar mótsins hverju sinni.
Mótið var haldið í fyrsta sinn á Hvammstanga síðustu helgina í júní árið 2011. Næsta mót verður í Fjallabyggð í lok júní 2025 í samstarfi við Íþrótta- og ungmennasamband Fjallabyggðar (UÍF) og sveitarfélagið Fjallabyggð.
Framkvæmd mótsins verður í höndum UMFÍ, þeim sambandsaðila sem tekur mótið að sér og viðkomandi sveitafélagi.
Athygli er vakin á því að stuðningur viðkomandi sveitarfélags þarf að fylgja umsókninni.
Vinsælar greinar mótsins eru eru boccía, golf, pútt, frjálsar íþróttir, ringó, bridds og ýmsar fleiri.
Umsóknum skal skilað til þjónustumiðstöðvar UMFÍ á netfangið umfi@umfi.is. Nánari upplýsingar má fá í síma 568-2929.
