Hvað?

Unglingalandsmót UMFÍ hafa farið fram reglulega frá 1992 og árlega frá 2002 um verslunarmannahelgina. Mótin hafa vaxið og sannað gildi sitt sem glæsilegar fjölskyldu- og íþróttahátíðir þar sem saman koma börn og ungmenni ásamt fjölskyldum sínum og taka þátt í fjölbreyttri dagskrá.

Fyrir hverja?

Unglingalandsmót UMFÍ er vímulaus fjölskylduhátíð þar sem börn og ungmenni á aldrinum 11 - 18 ára reyna með sér í fjölmörgum íþróttagreinum en samhliða er boðið upp á fjölbreytta afþreyingu, leiki og skemmtun fyrir alla fjölskylduna.

Hvenær?

Unglingalandsmót UMFÍ 2022 fer fram um verslunarmannahelgina 29. - 31. júlí 2022 á Selfossi. Skráningargjald er 8.500 kr. Öll ungmenni á aldrinum 11 - 18 ára geta skráð sig til leiks. Ekki er skilyrði að vera skráð/ur í ungmenna- eða íþróttafélag. Opnað verður fyrir skráningu 1. júlí 2022.

FRÉTTIR

03. mars 2022

Könnun: Hvað veistu um UMFÍ?

Það er alltaf eitthvað skemmtilegt að koma frá okkur hjá UMFÍ. Að þessu sinni langar okkur að kanna hvað þú veist um UMFÍ og verkefnin. Allir þátttakendur í könnuninni fara í pott. Þrír geta unnið miða í Bláa lónið og 10 miðar eru í boði (fyrir 2) á einn af viðburðum UMFÍ að eigin vali í sumar.

Lesa meira
04. febrúar 2022

Þórir Haraldsson: Unglingalandsmót á Selfossi loksins aftur komið á dagskrá

„Unglingalandsmót UMFÍ á Selfossi er komið aftur á dagskrá. Það er auðvitað mikið lagt á sjálfboðaliða að undirbúa það í fjögur ár. Nú er þriðja tillagan hafin til að halda mótið og enginn hefur skorast undan,“ segir Þórir Haraldsson, formaður framkvæmdanefndar mótsins.

Lesa meira
24. júlí 2021

Ungmenni voru búin að leggja mikið í hönnun búninga

„Það var ekki mikil gleði á heimilinu með fréttirnar í gær. Það var mikil stemning fyrir Unglingalandsmóti UMFÍ á Selfossi og margir búnir að græja búningana,‟ segir Hrönn Erlingsdóttir, móðir 15 ára tvíbura sem ætluðu að taka þátt í Unglingalandsmóti UMFÍ.

Lesa meira
Fréttasafn