Almennar upplýsingar
Keppnisgrein á mótinu þar sem skráning er nauðsynleg.
Upplýsingar um tímasetningar (Monrad app).
Keppendur 11 - 12 ára hjóla tvo hringi. Samtals er leiðin 2,6km. Sjá mynd af leið.
Keppendur 13 - 14 ára hjóla 3 hringi. Samtals er leiðin 3,9 km. Sjá mynd af leið.
Keppendur 15 - 17 ára hjóla 2 hringi af annarri leið. Hringurinn er 3,6km, samtals er leiðin 7,2km löng. Sjá mynd af leið.
Aldurs- og kynjaflokkar
- 11 - 12 ára stelpur / strákar
- 13 - 14 ára stelpur / strákar
- 15 - 18 ára stelpur / strákar
Keppnisfyrirkomulag / reglur
Keppendur mæta á keppnisstað ekki síðar en hálftíma fyrir ræsingu og fá öryggisvesti og tímaflögu.
- Keppendur eru á eigin ábyrgð í keppninni.
- Allir keppendur fá afhent öryggisvesti með númeri og verða að hjóla í því allan tímann með númer vel sýnilegt.
- Keppendur skulu ávallt sýna ýtrustu varúðar þegar farið er framúr öðrum keppanda.
- Allir keppendur eiga að nota reiðhjólahjálm á meðan á keppni stendur. Skal hann passa vel á höfuð og sitja rétt á höfði.
- Reiðhjólið skal hafa fram- og aftur bremsur í lagi auk annars öryggisbúnaðar.
- Hjóla þarf alla leiðina á sama hjóli. Keppandi má þó skipta um einstaka hluti, ss. dekk, slöngur og gjarðir ef á þarf að halda.
- Utanaðkomandi aðstoð er ekki leyfð.
- Öll venjuleg reiðhjól eru leyfileg í keppninni, en gæta skal að því að búnaður þess, s.s. standari, bögglaberi, bretti o.s.frv. séu vel fest, svo að búnaðurinn setji ekki aðra keppendur í hættu.
- Í utanvegakeppninni skal hjólið drifið af mannafli, en ekki raforku, eða hreyflum.
- Keppandi má ekki með hegðun sinni stofna öðrum keppendum eða vegfarendum í hættu. Keppendur skulu ávallt sýna af sér íþróttamannslega hegðun.
- Ef aftasti keppandi er hringaður af fremsta/stu keppenda/um ber honum að víkja við fyrsta örugga tækifæri.
- Við brot á ofangreindum reglum má vísa keppanda úr keppni.
Brautarskoðun verður ekki formleg en brautin verður merkt daginn fyrir keppni.