Kökuskreytingar fara fram í dag
Kökuskreytingar er ein fjölmennasta og vinsælasta keppnisgrein Unglingalandsmótsins.
Keppnin fer fram í dag, sunnudaginn 31. júlí frá kl. 16:00 - 18:00 í Iðu.
Þema keppninnar er ELDGOS og FLUGELDASÝNING.
Dæmt er eftir frumlegheitum og heildarútliti. Velgefið er fyrir skapandi og notkun á hráefnum.
Tímasetningar eru eftirfarandi:
Kl. 16:00 byrja allir flokkar í einstaklingskeppni.
Kl. 16:15 - 17:15. 11 - 12 ára lið.
Kl. 16:30 - 17:30. 13 - 14 ára lið.
Kl. 16:45 - 17:45. 15 - 18 ára lið.
Verðlaunaafhending er kl. 18:00
Keppnisfyrirkomulag/reglur:
Þátttakendur fá tilbúna hringlaga botna á staðnum og þar verður einnig ýmiskonar hráefni til staðar. Þátttakendum er heimilt að koma með sitt eigið skraut og nammi.
Keppendur þurfa að koma með áhöld með sér að heiman.
Kökurnar eru settar á smjörpappír, en keppendur geta komið með sína diska að heiman.
Keppendur fá klukkustund til að vinna að skreytingunni.
Hægt er að keppa sem einstaklingar eða í tveggja manna liðum og veitt eru verðlaun hvoru tveggja í flokki einstaklinga og lið flokki.
Keppendur fá á staðnum:
- Einn hringlaga kökubotn, um 16cm í þvermál.
- Smjörkrem, hvítt krem.
- Kökuskraut, kókosmjöl.
Keppendur (þurfa) að koma með:
- Áhöld til skreytinga sem henta hverjum og einum t.d. stútar, sprautur, sleikjur, skeiðar, hnífar, skæri, gafflar og hvers kyns skreytingatól.
- Liti til að lita krem, gott er að hafa skál og skeið til að blanda.
- Alls konar kökuskraut.
- Ekki er heimilt að vera með tilbúnar myndir til skreytinga.